Паралимпиячилар қандай тақдирлангани ҳақида фоторепортаж

  Шу йилнинг 6-13 октябрь кунлари Индонезиянинг Жакарта шаҳрида бўлиб ўтган III Параосиё ўйинларида паралимпиячиларимиз 35 та олтин, 24 та кумуш ва 18 та бронза медалларини қўлга киритган эдилар. Бугун ана шу муносабат билан, "Олимпия шон-шуҳрати" музейида спортчи ва мураббийларни пул мукофотлари билан тақдирлаш маросими бўлиб ўтди. Олтин медаль соҳиблари 5 минг, кумуш медаль олганлар 3 минг, бронза медаль эгалари 2 минг АҚШ доллари миқдоридаги пул мукофоти билан тақдирланишди. Мураббийларга ҳам мукофот пули берилди (олтин – 2 500, кумуш – 1 500, бронза 1 000 АҚШ доллари).