Петра Квитова чарчаб қолди

Россиянинг Санкт-Петербург шаҳрида теннис бўйича ўтаётган"St.Petersburg Ladies Trophy" турнирида чорак финал баҳслари давом этмоқда.

Ушбу босқичда чехиялик Петра Квитова кутилмаганда хорватиялик Донна Векичга 4:6, 1:6 ҳисобида имкониятни бой берди.

Шу тариқа Донна мусобақанинг ярим финал босқичида россиялик Вера Звонарёвага қарши кортга чиқадиган бўлди.