Погбанинг МЮдаги тақдири ноябр ойида маълум бўлади

“Манчестер Юнайтед” ярим ҳимоячиси Поль Погбанинг агенти Мино Райола ноябр ойида клуб раҳбарияти билан музокаралар олиб боради, дея хабар беради The Telegraph нашри. Футболчининг вакили мижозининг келажаги борасида гаплашади.

Бу ҳафта франциялик ўйинчи ва Жозе Моуриньо ўртасидаги муносабатлар ёмонлашган, шунинг учун у сардорлик боғичидан маҳрум қилинди. Шундан сўнг улар ўртасида машғулотлар майдонида тортишувли диалог бўлиб ўтган, айнан шу лаҳва камерага муҳрланиб қолган.

Погба “Манчестер Юнайтед” 2016 йили 89 миллион фунт стерлинг эвазига қайтган эди. Райола клуб вакиллари билан учрашиб, январда ёки келаси йили ёзда франциялик футболчини сотиш ҳақида музокаралар ўтказади.