Қўл жанги федерациясида йилнинг энг яхшилари тақдирланди (фото)

  Ўзбекистон ҳуқуқни муҳофаза қилиш органлари қўл жанги федерациясида 2018 йил якунларига бағишланган конференция бўлиб ўтди.

  Конференцияда федерация раисининг ўринбосари ҳисоботи тингланди. Кун тартибидан ўрин олган ижроия қўмитаси, назорат-тафтиш комиссияси аъзолари қайта сайланди. Шунингдек, федерация рамзини ўзгартириш бўйича фикр алмашилди. Йиғилиш якунида, турли номинация ғолиблари тақдирланди.

“Йилнинг энг яхши спортчиси”, “Йилнинг энг яхши ёш спортчиси”, “Йилнинг энг яхши аёл спортчиси”, “Йилнинг энг яхши мураббийи”, “Йилнинг энг яхши ҳаками”, “Йилнинг энг яхши республика мусобақаси” каби номинацияларда ғолиб бўлганлар тақдирланди.