Robben: "Real"dan "Bavariya"ga o‘tganim – hayotimdagi eng to‘g‘ri qarorim

Myunxenning “Bavariya” klubi vingeri Aren Robben “Real”dan ketganini eng to‘g‘ri qaror deb hisoblashini aytdi.

“Men realistman va futbol dunyosi doimo o‘zgarib turishini bilaman. Mening faoliyatimda hamma narsa boshqacha bo‘lishi ham mumkin edi. “Groningene”dagi debyutimdan so‘ng PSVda ikki yil o‘ynadim. Bu 18 yoshli futbolchi uchun juda katta qadam edi. 20 yoshlimda xorij klubi – “Chelsi”ga o‘tdim. Keyinchalik Madridda o‘tgan 2 yillik faoliyatimdan so‘ng “Bavariya”ga o‘tishga qaror qildim. Boshida “Bavariya”ga o‘tib to‘g‘ri qildimmi deb o‘ylagandim. Lekin, hozir aytishim mumkinki, bu hayotimdagi eng to‘g‘ri qarorim bo‘lgan”, - deydi gollandiyalik futbolchi.