Роббен: "Реал"дан "Бавария"га ўтганим – ҳаётимдаги энг тўғри қарорим

Мюнхеннинг “Бавария” клуби вингери Арьен Роббен “Реал”дан кетганини энг тўғри қарор деб ҳисоблашини айтди.

“Мен реалистман ва футбол дунёси доимо ўзгариб туришини биламан. Менинг фаолиятимда ҳамма нарса бошқача бўлиши ҳам мумкин эди. “Гронингене”даги дебютимдан сўнг ПСВда икки йил ўйнадим. Бу 18 ёшли футболчи учун жуда катта қадам эди. 20 ёшлимда хориж клуби – “Челси”га ўтдим. Кейинчалик Мадридда ўтган 2 йиллик фаолиятимдан сўнг “Бавария”га ўтишга қарор қилдим. Бошида “Бавария”га ўтиб тўғри қилдимми деб ўйлагандим. Лекин, ҳозир айтишим мумкинки, бу ҳаётимдаги энг тўғри қарорим бўлган”, - дейди голландиялик футболчи.