“Roma” etakchi futbolchisi bilan shartnomani uzaytiradi

Rimning “Roma” klubi yarim himoyachisi Alessandro Florentsi jamoada qoladigan bo‘ldi.

Football Italia nashri tarqatgan xabarga ko‘ra 27 yoshli futbolchi tez orada rimliklar bilan amaldagi shartnomasini yana 5 yilga uzaytiradi. Yangi kelishuvga ko‘ra uning maoshi yiliga 3 mln evroni tashkil etadi.

Ma’lumot uchun, Florentsi o‘tgan mavsum A Seriyada jami 32ta o‘yinda maydonga tushgan va o‘z hisobiga 1ta gol hamda 5ta golli uzatma yozdirib qo‘yishga erishgan.