"Рома" ўз сафида Хорватия терма жамоаси аъзосини кўрмоқчи

Италиялик машҳур журналист Жанлука Ди Марционинг хабар беришича "Рома"нинг диққат эътибори "Бешиктош" ҳимоячиси Домагой Видага қаратилган. Бу борада римликларга "Интер", "Фулхэм", "Монако", "Атлетико" ва "Арсенал" клублари рақобат қилиши мумкин.

Эслатиб ўтамиз, 29 ёшли Вида ўтган ёз ЖЧ-2018да Хорватия терма жамоаси сафида кумуш медални қўлга киритган эди.  У жорий мавсум турк клубида 23та ўйинда майдонга тушди. Унинг трансфери эса 10 млн еврога баҳоланмоқда.