Санжарбек Раҳмонов америкалик рақибини нокаутга учратди

  • 28 январь, 2018, 12:31
  • 0
  • Бокс

Ўзбекистонлик профессионал боксчи Санжар Раҳмонов (9-0-1, KO4) ўзининг навбатдаги жангини бугун Лас-Вегасдаги “Sam's Town Hotel & Gambling Hall” аренасида ўтказди.

Боксчимиз мазкур жангда америкалик Хийлон Виллиамсга (16-4-1, КО3) қарши чиқди. Виллиамс сўнги ўтказилган 5 жангининг учтасида мағлуб бўлган бўлса, 1 дуранг ва 1 марта мағлубият қайд этган эди.

Қизиқарли ва муросасиз кечган мазкур жангнинг иккинчи раундида ҳамюртимиз рақибини нокаутга учратишга муваффақ бўлди ва фаолиятидаги 10-ғалабасини нишонлади.

Санжарбек бундан олдинги жангини ўтган йилнинг 21 октябрида америкалик Жон Далпердангга қарши ўтказиб, 8 раунд давом этган қарама-қаршиликда у рақибини очколар бўйича мағлубиятга учратган.

Санжар Раҳмонов профессионал фаолиятини 2015 йил июн ойида бошлаган бўлиб, шу вақтга қадар 10 жанг ўтказган. Унинг ҳисобида 9 ғалаба (4 нокаут) ҳамда 1 дуранг мавжуд.

Фикрлар

Фикр қолдириш учун авторизациядан ўтинг!