Сарри “Челси”ни, Конте эса “Наполи”ни бошқариши мумкин

Италиянинг “Наполи” клуби бош мураббийи Маурицио Сарри фаолиятини Англияда давом эттириши мумкин.

Radio Kiss Kiss Napoli тарқатган хабарга кўра “аристократлар” хўжайини Роман Абрамович ёзда жамоани тарк этадиган Антонио Контенинг ўрнига айнан Саррини олиб келмоқчи. Айтиш керакки, Саррининг шартномасида уни 31 майга қадар 8 млн евро товон пули эвазига сотиб олиш белгилаб қўйилган.

Ўз навбатида “Наполи” раҳбарияти ҳам Саррининг ўрнини эгаллаши мумкин бўлган бир нечта мураббийларнинг номзодларини кўриб чиқмоқда. Симоне Инзаги, Марко Жампаоло, Рафаэль Бенитес ва Унаи Эмери шулар жумласидандир. Бироқ, неаполликлар учун энг яхши танлов сифатида айнан “Челси”дан кетиши айтилаётган Антонио Конте тилга олинмоқда.