Toshkentda eng kuchli atletlar aniqlandi

Poytaxtimizda yoshlar o‘rtasida engil atletika bo‘yicha yopiq inshootda ochiq turnir o‘tkazildi.

Musobaqaning uzunlikka, balandlikka va uch hadlab sakrash bahslarida Alina Yablokova, Alina Aripova, Nigina Isoeva, Jahohir Noriev, Shahzod Juraev, Vadim Chikalov eng baland marrani zabt etdi.

Yadro uloqtirish bahslarida Evgeniya Ilinix qizlar o‘rtasida birinchi bo‘lgan bo‘lsa, Rashid Sodiqov o‘g‘il bolalar o‘rtasida oltin medalni qo‘lga kiritdi.

Turli masofalarga yugurishda Azamat Taurov, Yusufjon Abdullaev, Farida Solieva, Marjona Baratova marra chizig‘ini birinchilardan bo‘lib bosib o‘tdi.