УЕФА Самир Насрининг дисквалификация муддатини узайтирди

УЕФА Франция терма жамоаси собиқ ярим ҳимоячиси Самир Насрининг дисквалификация муддатини узайтирди.

Ташкилот расмий сайти тарқатган хабарга кўра 31 ёшли футболчи учун дастлаб белгиланган 6 ойлик муддат 18 ойгача узайтирилган. УЕФА ушбу қарорга Жаҳон антидопинг агентлиги ҳамда Франция антидопинг агентлиги берган ҳулосалардан сўнг келган.

Насрининг жазо муддати 2017 йилнинг 1 июлидан бошлаб ҳисобланади ва у 2018 йилнинг 1 ноябридан бошлаб майдонга қайтиши мумкин.