"Вильярреал"нинг асосий ҳужумчиси узоқ муддатга сафдан чиқди

Испаниянинг "Вильярреал" клуби форварди Карлос Бакка жиддий жароҳат олди. Бу ҳақда L'Equipe нашри хабар бермоқда.

Юқоридаги манбаанинг ёзишича шифокорлар 32 ёшли колумбиялик футболчининг сафга қайтиши учун камида 1 - 1,5 ой вақт талаб этилишини айтишмоқда.

Маълумот учун, Бакка жорий мавсум “сариқ сув ости кемаси” сафида жами 10та ўйинда майдонга тушиб, ўз ҳисобига 2та гол ёздириб қўйишга эришган.