Хорватия терма жамоаси аъзоси Ла Лига клубига кўчиб ўтди

Бельгиянинг "Стандард" клуби ва Хорватия терма жамоаси форварди Дуе Чоп фаолиятини "Вальядолид"да давом эттирадиган бўлди.

Берилган маълумотларга кўра Ла Лига клуби 28 ёшли футболчини кейинчалик сотиб олиш ҳуқуқи билан бир йилга ижарага олган.

Маълумот учун, Чоп "Стандард" сафида 2017 йилдан буён тўп суриб келаётган эди. У ўтган давр мобайнида жами 21та учрашувда майдонга тушиб, ўз ҳисобига 4та гол ёздириб қўйишга эришган.

Чоп фаолияти давомида "Хайдук", "Насьонал", "Сплит", "Динамо" (Загреб), "Кальяри", "Малага" ва "Спортинг" клубларида тўп сурган. Хорватия терма жамоаси сафида эса 13та ўйинда иштирок этиб, 2та голга муаллифлик қилган.