Ёш бадминтончилар Бухорода куч синашди
Бухорода бадминтон бўйича болалар ва ўсмирлар ўртасида мамлакат биринчилиги бўлиб ўтди.
Мусобақада Қорақалпоғистон Республикаси, вилоятлар ва Тошкент шаҳридан 200 га яқин ёш спортчи 2 ёш гуруҳида ғолиблик учун баҳслашди.
2003-2004 ва 2005-2007 йилларда туғилган ўғил-қизлар ўртасида тегишли равишда Бухоро вилоятидан Ҳ.Барноев, Навоийдан М.Ғаниева, Тошкент шаҳридан И.Баринов, Б.Қосимжонова ғолибликни қўлга киритди.
Жуфтлик баҳсларида Навоий вилояти вакиллари ғолиб бўлди. Аралаш мусобақаларда ҳам навоийлик бадминтончилар М.Ғаниева – Р.Сатторов биринчи ўринни эгаллади.
Мусобақанинг жамоавий баҳсларида мезбон спортчилар ғолиб бўлди. Иккинчи ва учинчи ўринларга Андижон ва Хоразм вилоятлари бадминтончилари сазовор бўлди.
Мусобақа ғолиблари медаль ва эсдалик совғалари билан тақдирланди.
Комментарии