Зидан камтарлик қилмоқда

Мадриднинг “Реал” жамоаси бош мураббийи Зинедин Зидан “Наполи”га қарши (3:1) ЕЧЛ нимчорак финал илк ўйинидан кейин ўз фикрларини айтиб ўтди.

“Ўйин биз учун омадсиз бошланди. Гол ўтказиб юбордик ва бу бизга ноқулайлик келтирди. Албатта, ўз майдонимизда дарвоза даҳлсизлигини сақлаб қолмоқчи эдик, аммо ўхшамади. Бахтимизга, учта гол уриб, вазиятни ўнглаб олдик.

Ишончли ғалабага қарамай, ҳали ҳеч нарса ҳал бўлмади. “Наполи” кучли жамоа. Ҳар икки клуб кейинги босқчига чиқишга қодир. Кучлар ҳамон тенг”, – деди франциялик мутахассис.