А Ceрия. ”Милан” аутсайдерга ютқазиб қўйди

А Ceрия 22-туридан ўрин олган ”Милан” - ”Специя” учрашуви якунига етди. Унда меҳмонлар сўнгги лаҳзаларда урилган гол эвазига ғалабани илиб кетди.

Дастлаб ўйиннинг 45+1-дақиқасида мезбонлар ҳужумчиси Рафаэль Леао ҳисобни очди. Сўнг 64-дақиқада Кевин Агудело мувозанатни тиклади. Ўйинга нуқтани эса специяликлар футболчиси Эммануэль Гьяси қўйди. У 90+6-дақиқада рақиб ҳимоячиларининг хатосидан унумли фойдаланиб, жамоаси учун 3 очко олиб берди.

Айни пайтда ”Милан” 48 очко тўплаб, турнир жадвалининг 2-поғонасидан жой эгаллаган.

”Специя” эса 22 очко билан жадвалнинг 14-ўринида жойлашган.