А Серия. Чемпионлик учун курашаётган "Милан" иродали ғалабани қўлга киритди

А Серия 34-туридан ўрин олган "Лацио" - "Милан" учрашуви бўлиб ўтди. Унда миланликлар 2:1 ҳисобида рақибдан устун келди. 

Дастлаб, Иммобиле 4-дақиқада ҳисобни очди. 50-дақиқа ўтиб бораётган бир пайтда Жиру мувозанатни тиклади. Асосий вақтга қўшиб берилган дақиқаларнинг иккинчисида Тонали "россонерилар"ни олдинга олиб чиқди. 

Шу тариқа, Пиоли шогирдлари ҳисобидаги очколари сонини 74 тага етказиб олган ҳолда, А Серия пешқадамига айланиб олди. 56 очкоси бор "Лацио" 7-поғонани банд этган.