А Серия гранди Пулишич масаласида "Челси"га таклиф юборди

"Милан" раҳбарияти таркибни "Челси" футболчиси билан кучайтириш имкониятларини ўрганишда давом этмоқда.

The Athletic нашри хабарига кўра, "россонерилар" америкалик ҳужумкор ярим ҳимоячи Кристиан Пулишични қўлга киритишга ҳаракат қилиб кўришмоқчи. Хабар қилинишича, “Милан” 24 ёшли футболчи учун 14 миллион евро таклиф қилган. Бироқ лондонликлар Кристианни арзимаган пулга сотишдан манфаатдор эмас ва шу сабабли бошқа жамоалардан яхшироқ таклиф кутишмоқда.

Эслатиб ўтамиз, сўнгги мавсумда Пулишич "Челси" таркибида жами 30та ўйин ўтказиб, битта голга иккита голли узатмага ёздириб қўйди. Трансфермаркт портали 24 ёшли ҳужумчининг нархини 35 миллион еврога баҳоламоқда.