А Серия. "Комо" "Аталанта"ни мағлубиятга учрата олмади. Нико Пас пенальтидан фойдалана олмади
А Сериясининг 23-турида "Комо" ўз майдонида "Аталанта" билан дуранг ўйнади. Меҳмонлар 8-дақиқада Онест Аханор майдондан четлатилганидан сўнг қолган вақтни бир киши кам бўлиб ўтказди.
Сеск Фабрегас жамоаси учрашув давомида 5,24 кутилган гол (xG) яратди ва тўпга эгалик қилиш бўйича 79 фоизлик устунликка эга бўлди. Зарба беришлар статистикаси 28:6 (аниқ зарбалар — 9:2) кўринишида майдон эгалари фойдасига ҳал бўлди.
Шунга қарамай, "Комо" ғалабага эриша олмади. Учрашувнинг 98-дақиқасида ярим ҳимоячи Нико Пас пенальтини аниқ амалга ошира олмади. Испаниялик футболчи "Реал"ни тарк этганидан бери учта пенальти тепган бўлса, учаласини ҳам голга айлантира олмаган.
Фикрлар