Abdumalik Halakov: Ushbu musobaqada qatnashishim kerakmasdi

Abdumalik Halakov -60 kg vazn toifasidagi hal qiluvchi jangda Shunqor Abdurasulovni mag‘lub etdi. Finaldan keyin iste’dodli bokschimiz o‘z fikrlari bilan o‘rtoqlashdi:

"Taassurotlarim juda ham a’lo. Birinchi navbatda ota-onamga, keyin murabbiylarimga rahmat aytmoqchiman. Aslida, ushbu musobaqada qatnashishim kerakmasdi. Andijondagi turnirning ilk bahsida raqibim bilan to‘qnashib ketgan edim. Biroq ota-onam meni hammasi yaxshi bo‘lishiga ishontirdi.

Allohga behisob shukrlar bo‘lsinki, ancha tajribali raqibimni mag‘lub etishga erishdim. To‘g‘risini aytsam, ularga qarab, men ham darajamni oshirishga harakat qilaman. Shunqorga hurmatim cheksiz!"