Абрамович Аррисабалагани "Челси"дан ҳайдамоқчи
Лондоннинг “Челси” клуби дарвозабони Кепа Аррисабалага “Челси”ни тарк этиши мумкин.
El Confidencial нашри тарқатган хабарга кўра “аристократлар” хўжайини Роман Абрамовичнинг шахсан ўзи испаниялик дарвозабонни сотиб юборилишини талаб қилмоқда. Гап шундаки, Кепанинг Англия лига кубоги финалида “Манчестер Сити”га қарши ўйинда кўрсатган “томошаси” россиялик бизнесменга ёқмаган.
Маълумотларга қараганда Абрамович “Челси” раҳбариятига Аррисабалага ўрнига номзод қидиришларини буюрган.
Эслатиб ўтамиз, Кепа Аррисабалага “Челси” сафига 2018 йил “Атлетик” Бильбаодан 80 млн евро эвазига кўчиб ўтган эди. У футбол тарихидаги энг қиммат дарвозабон ҳисобланади.
Фикрлар