Африка Миллатлар кубоги. Миср Салоҳ ва Мармушнинг голлари эвазига ғалаба қозонди

Африка Миллатлар кубогининг "B" гуруҳидан ўрин олган иккинчи учрашув ҳам бўлиб ўтди. Миср терма жамоаси Зимбабве билан куч синашиб, камбэк эвазига 2:1 ҳисобида зафар қучди. 
 
Дастлаб, тўқнашувнинг 20-дақиқасида Принс Дубе ҳисобни очишга муваффақ бўлди. "Манчестер Сити" ҳужумчиси Омар Мармуш 64-дақиқада ҳисобни тенглаштирди. "Ливерпуль" афсонаси эса 90+1-дақиқада жамоасига ғалабани тақдим этди. 
 
Маълумот ўрнида, гуруҳнинг иккинчи баҳсида 2:1 ҳисобида Жанубий Африка Анголани мағлуб этган эди.