Afrika Millatlar kubogi. Misr Saloh va Marmushning gollari evaziga g‘alaba qozondi
Afrika Millatlar kubogining "B" guruhidan o‘rin olgan ikkinchi uchrashuv ham bo‘lib o‘tdi. Misr terma jamoasi Zimbabve bilan kuch sinashib, kambek evaziga 2:1 hisobida zafar quchdi.
Dastlab, to‘qnashuvning 20-daqiqasida Prins Dube hisobni ochishga muvaffaq bo‘ldi. "Manchester Siti" hujumchisi Omar Marmush 64-daqiqada hisobni tenglashtirdi. "Liverpul" afsonasi esa 90+1-daqiqada jamoasiga g‘alabani taqdim etdi.
Ma’lumot o‘rnida, guruhning ikkinchi bahsida 2:1 hisobida Janubiy Afrika Angolani mag‘lub etgan edi.
Fikrlar