Афсона "Рома"га қайтмоқда!

“Рома” клубининг тирик афсонаси – Франческо Тотти жамоага қайтишга яқин турибди.

Corriere dello Sport нашрининг маълум қилишича, клуб президенти Дэн Фридкин яқинда Тотти билан учрашган. Фридкин кейинги ҳафтада Тоттига аниқ таклиф билан қўнғироқ қилиши мумкин. Тотти ҳам ўз навбатида скаутлик агентлигидаги ишини ташлаб қадрдон жамоасидаги ишига эътибор қаратишга тайёр.

Маълумот учун, Франческо Тотти бутун футболчилик фаолиятини (1992-2017) “Рома”да ўтказган. У 2017-2019 йилларда ушбу клубда директор лавозимида ишлаган.