Агент Месси ва Пикени "Арсенал"га олиб келишга ҳаракат қилганини айтди

"Арсенал" клубининг собиқ скаути ўз вақтида Лионель Месси ҳамда Жерар Пикени Лондонга олиб келишга ҳаракат қилгани ҳақида гапирди.

- Месси "Ла Масия" академиясида таҳсил олган пайтида уни жамоага таклиф этганингиз ростми?

"Ҳа, Пике ҳатто базамизга келган".

- Нега улар билан шартнома имзоланмаган?

"Мессининг вазияти бироз чигал эди, у Англия визасини ололмаган. Ўша пайтда унинг вакили бўлган Орасио Гаджоли билан бир неча бор учрашганман. Аммо натижа муваффақиятсиз бўлган.

Пикенинг трансфери эса мураккаб бюрократик муаммо туфайли амалга ошмаган. Шунга қарамай, "Барселона" академиясининг истеъдодли тарбияланувчиси Сеск Фабрегас билан шартнома имзолашга муваффақ бўлдик", - дейди Фрэнсис Каджигао.