АГМК - "Пахтакор": Дердийок ҳисобни ишончли кўринишга келтирди! (матнли трансляция)

Ассалому алайкум, мухтарам футбол ихлосмандлари! Суперлига 3-туридан ўрин олган АГМК - "Пахтакор" учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.

• 90+3'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+1'
  

  ГООООООООООООООООООООООЛЛЛЛЛЛЛЛЛЛЛЛЛЛЛ! "Пахтакор" ўйинга мантиқий нуқтани қўйди!

  Захирадан майдонга тушган Иброҳимҳалил Йўлдошев кучли зарбаси билан ҳисобни йирик кўринишга келтирди.

• 90'
  

  Ўйиннинг асосий вақтига 3 дақиқа қўшиб берилди.

• 90'
  

  Бобур Йўлдошевнинг голи ўйиндан ташқари ҳолат туфайли инобатга олинмади.

• 88'
  

  "Пахтакор"да Собирхўжаев ўрнига Иминов, Дердийок ўрнига Темиров туширилди

• 86'
  

  Рақибига нисбатан қўполлик ишлатган Эркинов огоҳлантирилди.

• 83'

  Хюистра шогирдлари майдон бўйлаб тўпни олиб юрмоқда. Бу вақт ўтиши ва рақиб футболчилари кўпроқ югуришини таъминлаяпти.

• 81'

  Олмалиқликлар бироз тин олди. Энди "шерлар" ҳужум уюштирмоқда.

• 79'
  

  Санжар Турсунов ўрнига Жасур Умаров майдонга ташланди.

• 78'

  Қанотдан жарима майдонига узатилган тўпни Қувватов ушлаб олди

• 76'

  Ҳисоб қисқариши мумкин эди! Бироқ Сайфиевни усталиб билан алдаган Ғофуров зарба беришда хатога йўл қўйди.

• 75'

  Санжар Шоаҳмедовнинг жарима майдони ташқарисидан берган зарбасини дарвозабон ушлаб олди.

• 73'
  

  Драган Чераннинг узоқ масофадан йўллаган зарбасини Султонов ушлаб олди.

• 72'
  

  Ҳусниддин Ғофуров ўйиндан ташқари ҳолатда қолиб кетди.

• 71'
  

  Санжар Шоаҳмедов майдонга тушди. У Миржамол Қосимов ўрнида ҳаракат қилади.

• 70'

  Ҳозиргина майдонга тушган Эркиновнинг жарима майдонига узатмасига шериклари ета олмади.

• 69'
  

  Питер Хюистрадан жавоб юриш: Хожимат Эркинов Сардор Рашидовни алмаштирди.

• 68'
  

  Қосимов ўзгаришга қўл урди: Касьян ўрнига Полвонов майдонга тушди.

• 66'
  

  Элвин Фортеснинг яқин бурчакка йўллаган зарбасидан кейин тўпни Қувватов ушлаб олди.

• 65'

  АГМК штурм уюштиришда давом этмоқда. Ўйин темпи юқори.

• 63'

  Ҳусниддин Ғофуровнинг узатмасини Қувватов муштлари билан уриб юборди. Такрорий зарбадан кейин Анзур Исмоилов жамоасини муқаррар голдан асраб қолди.

• 61'

  Қосимов шогирдлари усутнликни рақибдан тортиб олди. Энди таҳликали вазият Қувватов дарвозаси олдида кўпроқ юзага келмоқда.

• 59'
  

  Элвин Фортес воқеалар ривожидан бироз илгарилаб кетди. Ён ҳакам байроқчасини кўтарди.

• 57'

  Ғофуровнинг ақлли узатмасини қабул қилиб олган Элвин Фортес яқин масофадан зарба беришда хатога йўл қўйди.

• 55'
  

  АГМК футболчиси ўйиндан ташқари ҳолатда қолиб кетди.

• 53'

  "Шерлар" рақиб шаштини пасайтириш мақсадида марказда тўпни назорат қилмоқда.

• 51'

  Турғунбоев жамоасининг тезкор қарши ҳужумини давом эттира олмади.

• 50'

  Элвин Фортеснинг жарима майдонига узатган тўпини ҳимоячилар узоқлаштирди.

• 48'

  Фортес ҳужумда қоида бузди. У Йўлдошевнинг оёғини босиб олди

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+1'
  

  Бўлим сўнгида мезбонлар бурчак тўпини ижро этди. Пойтахтликлар тўпни узоқлаштирди

• 45'
  

  Биринчи таймга 1 дақиқа қўшиб берилди.

• 42'

  "Пахтакор" ўйин темпини тўпни назорат қилиб пасайтиришга ҳаракат қиляпти. Жорий ҳисоб уларни тўлиқ қаноатлартиради.

• 40'
  

  Касьяннинг яқин масофадан берган зарбасини Қувватов қайтарди ва жамоасини муқаррар голдан сақлаб қолди.

• 39'

  Майдон эгалари босим уюштиришда давом этмоқда.

• 37'

  Сулаймоновнинг узоқ масофадан йўллаган зарбаси бироз ноаниқ кетди.

• 35'

  АГМК иккинчи голдан кейин "уйғонди". Улар бирин-кетин ҳужумлар уюштиришни бошлади.

• 33'
  

  ГООООООООООООООООООООООООООООООЛЛЛЛЛЛЛЛЛЛЛЛЛЛЛЛ! Дердийок ҳисобни ишончлик кўринишга келтирди.

  Турғунбоевнинг узатмасидан кейин ўта қулай имконият ҳосил қилган Эрен жамоасининг иккинчи голини киритди.

• 31'
  

  АГМК футболчиси ўйиндан ташқари ҳолатда қолиб кетди.

• 29'

  Голдан руҳланган меҳмонлар олдинга ўтишни тўхтатмаяпти.

• 27'
  

  ГООООООООООООООООООООООООООЛЛЛЛЛЛЛЛЛЛЛЛЛЛЛЛЛ! Учрашувда ҳисоб очилди!

  Бурчакдан етказиб берилган тўпни баланд сакраган Азиз Турғунбоев дарвозага киритди.

• 26'

  Рашидовнинг Дердийок томон узатган тўпини АГМК ҳимоячиси майдон ташқарисига чиқариб юборди.

• 23'

  Хюистра шогирдлари марказда тўпни назорат қиляпти.

• 20'

  Ўйин темпи бироз пасайди. Курашлар майдон марказида кечмоқда.

• 18'

  Фортеснинг узатмасидан кейин Жокич зарба йўллади. Аммо ҳимоячилар тўп йўлига блок қўйишга эришди.

• 17'
  

  Турсуновнинг кучли зарбасидан сўнг Қувватов тўпни ушлаб олди

• 16'

  Ҳусниддин Ғофуровнинг зарбасидан кейин ҳимоячи тўпни қайтарди.

• 14'

  Муҳиддиновнинг узатмасидан сўнг Дердийок тўпга улгурмади, Турғунбоевнинг уриниши эса ноаниқ чиқди.

• 13'

  Рашидовнинг жарима майдонига узатиб берилган тўпини дарвозабон эгаллаб олди.

• 11'

  Аъзамовнинг хатосидан кейин Турсунов тўп билан олдинга ўтди. Аммо ортдан етиб келган Йўлдошев хавфни бартараф этди.

• 9'

  Кичик устунлик "шерлар" томонда бўлиб турибди. Улар тўп билан кўпроқ ишлаяпти.

• 7'

  Қосимов шогирдлари тартиб билан ҳаракат қиляпти. 

• 5'

  Касьян бирга-бир вазиятга чиқиб бориши мумкин эди. Бироқ ўз ўрнини ташлаб чиққан Қувватов тўпни ушлаб олди.

• 3'

  Меҳмонлар дастлабки дақиқалардан тўп назоратини қўлга олишга ҳаракат қилмоқда.

• 1'
  

  Ўйин бошланди!