АГМК юбилей ғалабасига эришди, энди яна бир юбилей ўйин арафасида турибди

АГМК жамоаси Ўзбекистон миллий чемпионати Олий дивизионидаги 399-ўйинида юбилей 150-ғалабасини тантана қилди.

Ушбу юбилей ғалаба ўтган турда Самарқандда кечган "Динамо"га қарши баҳсда қўлга киритилди. Ўзбекистон миллий чемпионати Олий дивизионида АГМК 150 ғалабага эришган 17-жамоага айланди.

Ўзбекистон миллий чемпионати Олий дивизионида АГМКдан кўпроқ ғалабага эришган жамоалар сони 16 тани ташкил қилади: "Пахтакор" (608), "Нефтчи" (475), "Навбаҳор" (410), "Насаф" (403), "Бухоро" (318), "Сўғдиёна" (271), "Бунёдкор" (271), "Локомотив" (242), "Динамо" (242), "Андижон" (239), "Металлург" (234), "Қизилқум" (227), "Машъал" (214), "Трактор" (178), "Қўқон-1912" (176) ва "Дўстлик" (169).

Шунингдек, АГМК яна бир юбилей остонасида турибди. Навбатдаги "Нефтчи"га қарши кечадиган ўйин АГМК жамоасининг олий дивизиондаги юбилей 400-учрашувига айланади.

АГМК Ўзбекистон миллий чемпионати Олий дивизионида 400 лик довонни забт этадиган 17-жамоага айланиш арафасида.

АГМКдан кўпроқ ўйин ўтказган жамоалар: "Пахтакор" (889), "Навбаҳор" (889), "Бухоро" (826), "Нефтчи" (812), "Сўғдиёна" (780), "Андижон" (766), "Насаф" (736), "Динамо" (716), "Металлург" (703), "Қизилқум" (644), "Машъал" (540), "Локомотив" (486), "Трактор" (490), "Қўқон-1912" (490), "Сурхон" (461) ва "Бунёдкор" (430).

АГМК матбуот хизмати.