Агуэро жаҳон чемпионатига боради!

Юрагидаги муаммо туфайли фаолиятини кутилганидан эрта тугатган Серхио Агуэро жорий йил охирида Қатарда бўладиган жаҳон чемпионатида Аргентина миллий терма жамоасига ёрдам бермоқчи.

Табиийки, “Барселона”нинг собиқ ҳужумчиси энди майдонга қайта олмайди. У мураббийлар штабига киришни режалаштиряпти.

Қатардаги жаҳон чемпионатига бораман. Тез кунларда мутасаддилар билан учрашув бўлади. Мураббийлар штабига қўшилишга тайёрман. Бош мураббий Лионель Скалони ва Аргентина футбол федерацияси президенти Клаудио Тапиа билан гаплашиб олдик. Бир уриниб кўришимиз керак.

Агар бу режа амалга ошса, мен йигитлар билан майдонда машҳулот ўтказаман. Бу муаммо эмас. Уларни ғалабага руҳлантириб тураман, - деди Серхио Агуэро.