Агуэро Салоҳ ҳақида нималар деди?

Аргентина терма жамоаси ва "Манчестер Сити" клуби собиқ форварди Серхио Агуэро Муҳаммад Салоҳнинг жорий мавсумдаги ўйинига фикр билдирди.

"Мени фикримча, катта футболчиларнинг ўйинларига шубҳа қилмаслик керак. Салоҳ ҳар доим аъло даражада ўйин намойиш этиб келган, ва буни давом эттира олади. Жорий мавсум у учун бироз омадсиз давом этаётганини жамоанинг натижалари кўрсатиб турибди. Бироқ Салоҳ яна қайта олади, у синиб қоладиган футболчи эмас", - деди собиқ футболчи.

Маълумот учун, мисрлик футболчи жорий мавсум Англия Премьер-лигасида 12 та учрашувда майдонга тушиб, 4 та гол урди ва 2 та голли узатмани амалга оширди.