Аҳлиддин Мирзадавлатов Чеченистон вакилига қарши жанг қилади

Ўзбекистонлик ММА жангчиси Аҳлиддин Мирзадавлатов Россиянинг энг нуфузли промоушени ACA (Absolute Championship Akhmat) билан шартнома имзолагани ва ушбу промоушендаги дебюти 8 август куни бўлиб ўтиши хақида хабар бергандик. Лекин ким билан жанг қилиши аниқ эмасди.

Спортчимизнинг сайтимизга маълум қилишича, унинг ACAдаги илк рақиби чеченистонлик Адам Алиев бўлади. Чеченистон вакили фаолияти мобайнида 12 та жанг ўтказиб, уларнинг 9 тасида ғалаба қозонган. Уч бора имкониятни бой берган. Аҳлиддин 9 та жангдан 8 тасида рақибларини таслим этган. Бир марта ундан омад юз ўгирган эди.

Маълумот учун, 29 ёшли ҳамюртимиз сўнгги жангини Тошкентда “GFC 20” турнирида озарбайжонлик Жаъфар Исмиевга қарши ўтказиб, муддатидан аввал ғалабага эришган.