Аҳолиси ярим миллиондан ортиқроқ бўлган Люксембург терма жамоаси аъзоси энди АПЛда ўйнайди

Люксембург терма жамоаси ярим ҳимоячиси Данел Синани фаолиятини Англия премьер-лигасида давом эттирадиган бўлди.

Аниқроғи, 23 ёшли футболчи “Норвич” клуби билан шартнома имзолади. Келишув эса 2023 йилга қадар тузилган.

Энди Синани янги жамоаси сафига 2020/21 йилги мавсум бошланишидан аввал эркин агент сифатида бориб қўшилади.

Синани жорий мавсум “Дюделанж” клуби таркибида Люксембург чемпионатида 17 та ўйинда майдонга тушди ва рақиблари дарвозасига 14 та гол уришга эришди.