Аке Нидерландиянинг энг муҳим футболчиларидан бирига айланиб олди

"Евро-2024"нинг биринчи турида Нидерландия Польша устидан 2:1 ҳисобида зафар қучиб, 3 очкони қўлга киритди. 

Дастлаб, Гакпо 29-дақиқада имкониятларни тенглаштирди. Унинг голида асосий вазифани Аке бажариб берди, яъни ўз вақтида ҳужумда пайдо бўлиб, "Ливерпуль" футболчисининг голига ассистентлик қилди. 83-дақиқада яна Натан ҳужумда пайдо бўлди ва унинг пасидан сўнг тўп Вегхорстга етиб борди. Ҳужумчи эса бу имкониятдан фойдалан олди. Аммо тўп ҳимоячиларга тегиб кетгани учун Акега ассист ёзилмади. 

Шунингдек, "Манчестер Сити" ҳимоячиси 4 та хавфли вазият ярата олди. Унинг паслари аниқлиги 94 фоизга тенг бўлган бўлса, икки марта кроос амалга оширди.