Алекс Перрейра UFC ни манипуляция қилишда айблади

Агар кимдир Алекс Перрейранинг шикоятлари Сергей Павловичга қарши баҳс эълон қилиниши билан тугади, деб ўйласа, у қаттиқ адашади. Чунки бразилиялик Сирил Ган ва Жош Хокит ўртасидаги чемпионлик жангини ташкил этгани учун UFC га ҳам эътироз бирдирди.

"Мен тўғридан-тўғри Хантер Кемпбелл билан гаплашдим ҳамда у менга Ган ва Хокит ўртасида жанг уюштиришмоқчи эканликларини айтди. Улар мен кўрмаган қандайдир сўровнома ўтказилгани ва жамоатчилик айнан шу тўқнашувни хоҳлаётганини билдирди. Аммо бу жангни расман эълон қилинганида, ҳеч қандай шов-шувни сезмадим.

Кейинчалик ушбу баҳс эълон қилинишидан олдин содир бўлган баъзи нарсаларга эътибор қаратдим. Масалан, Кормье ва бошқа одамлар бу яхши жанг бўлади, дейишарди. Мен бундай одамлар ҳақида гапирганимда, катта аудиторияга эга машҳур блогерлар ва оммавий ахборот воситаларидаги шахсларни назарда тутяпман.

UFC уларга: "Бу қандай ажойиб жанг эканини айтинг, токи расмий эълонимиз вақтида томошабинлар уни қабул қилишга тайёр бўлсин," деяётгандек эди. Улар одамларни айнан шу жанг бўлиши кераклигига ишонтириш учун ҳамма нарсани қилди. Буларнинг барчаси маълум даражада манипуляция, тушуняпсизми?

Кормьени олайлик. У билан гаплашганимда: "Қулоқ сол, агар мен Ганга қарши чиқиб, камарни олсам, ҳақиқий чемпионга айланаманми?" деб сўрадим. У: "Мен бундай деб ўйламайман," деб жавоб берди. Яъни, бу йигит ҳеч қандай маънога эга бўлмаган баъзи фикрларни айтмоқда. У одамларга таъсир ўтказишга ва уларни айнан шу жанг энг яхши вариант эканига ишонтиришга уринаётганлардан биридир", - деди "Поатан" Лаэрте Вианага берган интервьюсида.

Эслатиб ўтамиз, Ган ва Хокит қарама-қаршилиги 14 ноябрь куни "UFC 334" турнирида, Павлович ва Перрейра ўртасидаги баҳс эса 12 декабрь куни "UFC 335" турнирида ўтказилади.