Александр Волкановски карьерасидаги энг муҳим жанг қайси эканини айтди

Ярим енгил вазнда UFC чемпиони Александр Волкановски россиялик Ислом Махачев билан биринчи жангини фаолиятидаги энг муҳимларидан бири деб айтди.

"Махачев билан дастлабки жангимизда унинг резюмеси ҳозиргидек ажойиб эмасди, бироқ ҳамма Исломнинг қанчалик кучли маҳоратга эгалигини биларди. Ўша тўқнашувда биз томошабинлар, кассалар, PPV сони бўйича рекордларни янгиладик. Шу боис мағлубиятга қарамай, мен буни фаолиятимдаги энг ёрқин воқеалардан бири, деб ҳисоблайман”, – деди австралиялик ўзининг You Tube каналида.

Эслатиб ўтамиз, Волкановски охирги бор "UFC 325" турнирида Диего Лопесга қарши реванш ўтказиб, ҳакамларнинг якдил қарорига кўра ғалаба қозонди ва чемпионлик камарини ўзида сақлаб қолди.