Аллегри "Реал"га ўтса, икки футболчини олиб келишни сўрайди

Массимилиано Аллегри "Милан"дан "Реал"га тайинланадиган бўлса, Испания клубидан икки футболчини жамоага қўшиб олишни сўраши мумкин.

Аввалроқ "Реал" ёзда 58 ёшли мутахассисни таклиф этишни режалаштираётгани ҳақида хабарлар тарқалган эди. Клуб президенти Флорентино Перес гўёки аввал ҳам — 2019 ва 2021 йилларда таклиф қилишга уринган тажрибали мураббийга яна ишонч билдирмоқчи.

"Tuttosport" маълумотига кўра, Аллегри ҳозирча "Милан"да барчасидан мамнун. Бироқ у "Реал" билан музокара бошласа, икки шартни илгари суради.

Биринчи шарт — Лука Модрични жамоада сақлаб қолиш. Хорват ярим ҳимоячисининг миланликлар билан шартномаси "1+1" шаклида тузилган бўлиб, ҳамкорликни узайтириш масаласи ҳали ҳал этилмаган. Аллегри 40 ёшли футболчига жамоада "мадрид руҳи"ни сақловчи, ўтмиш ва келажакни боғловчи фигура сифатида муҳим ўрин бермоқчи.

Иккинчи шарт — ярим ҳимоячи Адриен Рабьони таркибга қўшиб олиш. Франциялик ўйинчи Аллегри қўл остида "Ювентус"да муҳим роль ўйнаган ва ҳозир ҳам "Милан" етакчиларидан бири ҳисобланади.