Алонсо "Реал" ярим ҳимоячиси жамоадан кетмаслигини айтди

Мадриднинг "Реал" клуби бош мураббийи Хаби Алонсо жамоа ярим ҳимоячиси Дани Себальоснинг келажаги ҳақида маълумот берди.

"Мен у билан ўтган ҳафта гаплашдим. Охир-оқибат у шу ерда қолади. Тафсилотларни сизга унинг ўзи айтиб беради, мен эмас", - деди Алонсо журналистларга.

Аввалроқ, 29 ёшли испаниялик футболчига Франциянинг "Марсел" клуби қизиқиш билдираётгани ҳақида хабарлар тарқалган эди.

Себальос бу мавсум Испания чемпионатида 2 та ўйинда майдонга тушди ва гол ёки ассист қайд этмади.

Ярим ҳимоячининг "Реал" билан шартномаси 2027 йилнинг июнигача мўлжалланган. Transfermarkt портали маълумотларига кўра, футболчининг бозор нархи ўн миллион еврони ташкил этади.