A’loxon Abdullaev ilk jangi haqida fikr bildirdi

Toshkentdagi "Humo arena"da boks bo‘yicha erkaklar o‘rtasidagi jahon chempionati davom etmoqda.

A’loxon Abdullaev - 75 kg vazn toifasida xitoylik Zo Meng Yang bilan ringga ko‘tarildi. Qiyin kechgan jangda hamyurtimiz 5:0 hisobida g‘alaba qozondi.

Ushbu muvaffaqiyatdan so‘ng A’loxon Abdullaev o‘z fikrlarini bildirib o‘tdi.

- Jahon chempionatidagi ilk jangimni o‘tkazdim. Allohga shukr, g‘alaba qozondim. Keyingi raqiblarga ham murabbiylar bilan yaxshi tayyorlanib, bundan chiroyli g‘alaba bilan vatanimiz bayrog‘ini yuqoriga ko‘taramiz, - dedi bokschi.