Аморим: " Ҳали у Шмейхель эмас"

"Манчестер Юнайтед" бош мураббийи Рубен Аморим жамоага янги келиб қўшилган 23 ёшлик дарвозабон Сенне Ламменснинг дебют ҳақида гапирди.

"Сaндерленд"га қарши учрашувдан сўнг кўплаб экспертлар Ламменснинг даражасини юқори баҳолашди, аммо Аморим баҳо беришга шошмаслик кераглигини айтди.

"Бу клубдаги биринчида тассурот ҳақиқатдан муҳим. Даражани ушлаб туриш янада аҳамиятли ва бу ҳақиқатдан ҳам қийин. Демак, ҳали у Шмейхель эмас. У истеъдодли ёш йигит. Ўтган учрашувда Сенне майдонда ажойиб ҳаракат қилди ва бу мухлисларга ёқди. Аммо бу ўйин ўтмишда қолди, у кейинги ўйинда ўзини кўрсатиши керак", - деди португалиялик мутахссис.

Эслатиб ўтамиз, АПЛнинг 8 турида  "қизил иблислар" "Ливерпуль" майдонига сафар қилади. Бу жамоалар ўртасидаги учрашув 19 октябарь куни Тошкент вақти билан соат 20:30 старт олади.