Аморим ашаддий рақиб “Арсенал”дан ўйинчи олди

“Манчестер Юнайтед” расмий сайти клуб “Арсенал”дан 18 ёшли ҳимоячи Эйден Хевенни трансфер қилганини билдирди.

Манчестерликлар истеъдодли футболчи билан 2029 йилнинг ярмигача давом этадиган шартнома имзолади. Томонлар келишувга кўра, ҳамкорликни яна бир мавсумга узайтириши мумкин.

Хевен асосан “Арсенал”нинг ёшлар жамоасида ўйнаётган эди. Ўтган йилнинг октябрида Лига кубогида биринчи жамоада дебютини ўтказди.

Хевен “Манчестер Юнайтед”даги фаолиятини асосий таркибда давом эттирадиган бўлди. Бу ҳақда “Манчестер Юнайтед” ўз баёнотида маълум қилган.

- “Манчестер Юнайтед”га қўшилганимдан фахрланаман. Бу орзуни рўёбга чиқаришда ёрдам берганларнинг барчасига миннатдорлигимни билдираман, - деди Эйден Хевен.