Аморим: "Ўтмиш хатоларини такрорлай олмаймиз"

"Манчестер Юнайтед" бош мураббийи Рубен Аморим клубнинг трансфер режалари ҳақида яна бир бор фикр билдирди. Португалиялик мутахассис жамоа фақат узоқ муддатли лойиҳанинг бир қисми бўладиган футболчиларнигина сафига қўшишга тайёр эканини таъкидлади.

— Биз жалб қилаётган футболчиларга тўлиқ ишонишимиз керак. Агар ишонч бўлмаса, қўлимизда бор футболчилар билан ишлаш яхшироқ. Бу масала мен учун жуда аниқ. Биз ўтмишда йўл қўйилган хатоларни қайта такрорлай олмаймиз, — деди Аморим "Sky Sports" нашрига берган интервьюсида.

Маълумот ўрнида, "қизил иблислар" Англия Премьер-лигасининнг 18-турида "Ньюкасл"ни қабул қилади. Ушбу тўқнашув 26 декабрдан 27 декабрга ўтар кечаси соат 01:00’да старт олади.