Аморим супертўпурарни кутяпти
“Манчестер Юнайтед” бош мураббийи Рубен Аморим таркибни янгилаш ишларини давом эттирмоқда. Португалиялик мутахассис ўзига керак бўлмай қолган ўйинчилардан бирин-кетин воз кеча бошлади.
Ўз навбатида, Аморим жамоага ёрдам бера оладиган янги ижрочилар танлашни ҳам унутгани йўқ. Бу мутахассис Англия футболи тарихидаги энг сермаҳсул ҳужумчилардан ҳисобланган Ҳарри Кейннинг “Манчестер Юнайтед”га келишини кутяпти.
Бу ҳақда таниқли инсайдер Грэм Бейли ҳам маълумот тарқатди.
Манбага кўра, “Манчестер Юнайтед” хўжайинларидан сэр Жим Рэтклифф 31 ёшли тўпурарни “Бавария”дан олиб келиш учун қўлидан келганини қилишга тайёрлигини билдирди.
2023 йилнинг ёзида “Тоттенхэм”дан “Бавария”га 100 миллион евро эвазига кўчиб ўтган Ҳарри Кейн ҳозир трансфермаркт портали томонидан 90 миллион еврога баҳоланмоқда.
Фикрлар