Ампутант футболчининг голи Пушкаш совринига номзод бўлди

FIFA томонидан йилнинг энг чиройли голи учун бериладиган "Пушкаш" совринига якуний даъвогарлар рўйхати эълон қилинди.

Якуний учликка польшалик ампутант футболчи Марчин Олексининг қайчи усулидаги киритган тўпи, Бразилия терма жамоаси ҳужумчиси Ришарлисоннинг Сербия терма жамоасига урган голи ва Димитри Пайетнинг жарима майдони ташқарисидан йўллаган "пушка"си номзод бўлди.

Эслатиб ўтамиз, тақдирлаш маросими 2023 йил 27 февралда бўлиб ўтади. Бир вақтнинг ўзида "The Best" мукофотлари ғолиблари ҳам эълон қилинади.