“Ан-Наср”дан ҳайдалган бош мураббий Роналду ҳақида гапирди

Сентябрь ойида “Ан-Наср” бош мураббийлигидан истеъфога чиқарилган португалиялик Луиш Каштру ўзининг қўл остида ўйнаган ҳамюрти Криштиану Роналду ҳақида гапирди.

- Криштиануда ҳар доим энг зўри бўлиш мақсади бўлган ва бундан кейин ҳам бўлади. Уни ҳар куни машғулотларда тинимсиз ишлаётганини кўриш мумкин.

Роналдуда доимий ўйнаш, рекордларни ўрнатиш, чиройли голлар уриш истаги бор. У ўзи қўл урган ҳар бир ишда ҳал қилувчи куч бўлишни истайди ва шунга ҳаракат қилади.

Криштиану ҳамма нарсага футбол орқали эришганини яхши билади ва шунинг учун ҳам бу спорт турини жуда яхши кўради, - деди Луиш Каштру.

Луиш Каштру бош мураббийлигида “Ан-Наср” барча турнирларда 54 маротаба майдонга тушиб, 36 та ғалаба, тўққизта дуранг ва яна шунча мағлубият қайд  этган.