Ана холос! Англия терма жамоаси бугун Голландияга қарши асосий таркибда ўйнамаслиги мумкин

Аввал хабар берганимиздек бугун УЕФА Миллатлар лигасида иккинчи ярим финал жуфтлиги – Голландия ва Англия ўзаро баҳс олиб боради.

Берилган маълумотларга қараганда инглизлар бош мураббийи Гарет Саутгейт голландларга қарши бўладиган баҳсда асосий таркибнинг 7 нафар футболчисига дам бериб, асосан захира футболчиларини майдонга тушириши мумкин.

The Telegraph нашрининг ёзишича гап ўтган ҳафта Мадридда бўлиб ўтган Чемпионлар лигаси финалида иштирок этган футболчилар - Дэнни Роуз, Эрик Дайер, Деле Алли, Харри Кейн (барчаси - Тоттенхэм"), Трент Александр-Арнольд, Жо Гомес ва Жордан Хендерсонлар (барчаси - Ливерпуль") ҳақида кетмоқда.

Эслатиб ўтамиз, Голландия – Англия учрашуви бугун Тошкент вақти билан соат 23:45да бошланади. Ушбу жуфтлик ғолиби 9 июнь куни мусобақа финалида Португалияга қарши баҳс олиб боради. Мағлуб жамоа эса худди шу куни 3-ўрин учун Швейцарияга қарши ўйнайди.