Ана холос! "Челси" Саррини "Ювентус"га текинга қўйиб юборади

"Челси" клуби бош мураббийи Маурицио Саррининг “Ювентус”га ўтиши борасида янги тафсилотлар пайдо бўлди.

Football Italia нашри тарқатган хабарга кўра “аристократлар” тез орада 60 ёшли италиялик мутахассис билан шартномани бекор қилгани ҳақида эълон қилади. Шу тариқа Сарри “кекса синьора” сафига мутлақо текинга бориб қўшилади. Маълумотларга қараганда у туринликлар билан 3 йиллик шартнома имзолайди.

Бироқ, “Юве” ҳам қарздор бўлиб қолишни истамаяпти ва аргентиналик ҳужумчи Гонсало Игуаиннинг ижара пулидан “Челси”га чегирма қилиб бермоқчи.

Эслатиб ўтамиз, лондонликлар Игуаинни “Ювентус”дан 9 млн евро эвазига ярим мавсумга ижарага олишган эди.