Ana xolos: Endigina kelgan Gyundog‘an “Barsa”dan ketib qolishi mumkin

“Barselona” katta umidlar bilan “Manchester Siti” sardori Ilkay Gyundog‘anni Kataloniyaga ko‘chib kedlishga ko‘ndirgan edi.

Ma’lumotlarga qaraganda, “Barselona” germaniyalik futbolchini La Ligada ro‘yxatdan o‘tkazishda muammoga duch kelgan.

Footmercato nashrining yozishicha, agar Ispaniya chempionati boshlangunga qadar, yuzaga kelgan muammo vaziyat barham topmasa, Ilkay Gyundog‘an “Barselona”ni tark etadi.

Mutaxassislar moliyaviy feyr-pleyga taalluqli bu muammoning eng tezkor echimi Usmon Dembeleni PSJga sotib yuborish ekanini ta’kidlamoqda.

Kataloniyaliklar Ilkay bilan 2025 yilning yozigacha shartnoma tuzgan edi. Agar ular 32 yoshli futbolchini chempionat qaydnomasiga kirita olmasa, uni qo‘yib yuborishga to‘g‘ri keladi.