Ана холос! Гюндоган "Барселона"ни тарк этиши мумкин

"Барселона" жамоасининг янги футболчиси Илкай Гюндоганни Испания чемпионатида рўйхатдан ўтказишда муаммо юзага келди. Бу ҳақда "Footmercato" нашри маълум қилди.

Манбага кўра, агар Ла Лиганинг янги мавсуми бошлангунга қадар вазият ўзгармаса, ярим ҳимоячи Каталония грандини тарк этиши мумкин. ПСЖ сўраётган франциялик вингер Усмон Дембеленинг сотилиши бу вазиятни ҳал қилишга ёрдам беради.

Илкай шу ёзда "Манчестер Сити"дан "Барселона"га ўтган эди. У эркин агент сифатида шартнома имзолади. 32 ёшли германиялик ва "кўк-анорранглилар" ўртасидаги меҳнат шартномаси 2025 йилнинг ўрталарига қадар тузилган.