Ana xolos: Iqboljon Xoldarov musobaqani tark etdi

Xabaringiz bor, 1 dan 5 aprelgacha Braziliyada boks bo‘yicha Jahon kubogi musobaqasi bo‘lib o‘tadi. Bugungi  kundan 4 nafar charm qo‘lqop ustalarimiz ringga ko‘tarilishi rejalashtirilgan edi.

Hozirgina -70 kg da Iqboljon Xoldarov va Angliya vakili Odel Kamara jangi yakunlandi. Shiddatli va murosasiz kechgan bahsda bokschimiz ochkolar evaziga imkoniyatni boy berib qo‘ydi.

Ma’lumot uchun, oldinda bizni Asadxo‘ja Mo‘ydinxo‘jaev va Yuri Reys (Braziliya) qarama-qarshiligi kutmoqda. Ushbu jang tongga yaqin, taxminan, 03:00 da (O‘zbekiston vaqti bilan) start oladi.