Ана холос: Вазият ўзгарди, Мбаппе Францияга ёрдам бера олмайди

Франция терма жамоаси етакчиси Килиан Мбаппе гуруҳнинг Австрияга қарши ўтказилган биринчи ўйинида бурнини синдириб олганди.

Дастлаб, футболчи операция қилиниши айтилди. Кейинчалик шифокорлар жарроҳлик амалиётини ўтказмасликка қарор қилди.

Янги текширувлар 25 ёшли форвард гуруҳ баҳсларида терма жамоага ёрдам бера олмаслигини кўрсатди. Бир неча манбаларнинг таъкидлашича, Мбаппе  21 июнь куни Нидерландия ва 25 июнда Польшага қарши бўладиган баҳсларни аниқ ўтказиб юборади.

Шифокорлар плей-офф баҳси олдидан Мбаппени яна бир бор кўрикдан ўтказади. Ҳозир футболчининг кейинги босқичда ўйнашига ҳам ҳеч қандай кафолат йўқ.

Кўп нарса гуруҳ босқичидан кейин ўтказиладиган тиббий кўрик натижаларига боғлиқ бўлади. Агар кутилмаган вазиятлар келиб чиқмаса, тўпурар ҳужумчи махсус ҳимоя ниқобида майдонга тушишига рухсат берилиши кутилмоқда.