Ana xolos: Yamal “Barselona” rejasiga qarshi chiqdi

“Barselona” etakchilaridan biri Lamin Yamal klubning transfer siyosatiga qarshi chiqdi. Bu haqda El Nacional nashri xabar tarqatdi.

Manbaga ko‘ra, kataloniyaliklar yozgi transferlar vaqtida o‘ng qanot himoyasini kuchaytirish uchun yangi ijrochi olib kelish ustida ishlamoqda. Bu pozitsiyada frantsiyalik Jyuo Kunde to‘p tepadi.

17 yoshli Yamal bu qanotga yangi o‘yinchi olish kerakmasligini ta’kidladi. Ispan futbolchisiga Jyul Kunde bilan bir jamoada o‘ynash yoqmoqda.

Yamal joriy mavsumda ham samarali o‘yin namoyish qilyapti. U barcha turnirlarda 31 marotaba maydonga tushib, o‘z hisobiga 11 ta gol va 15 ta assist rasmiylashtirib qo‘ydi.

Transfermarkt portali tomonidan 180 million evroga baholanayotgan futbolchining amaldagi shartnomasi 2026 yilning yozigacha davom etadi. “Barselona” rahbariyati o‘yinchi 18 yoshga to‘lgan kuni u bilan uzoq muddatli yangi bitim imzolashni rejalashtirgan.