Анчелотти: "Фликнинг гапига қўшиламан, "Реал" "Барса" эмас"

"Реал Мадрид" бош мураббийи Карло Анчелотти ФИФА кунларидан сўнг навбатдаги учрашувдан аввал матбуот анжуманида иштирок этиб, журналистларни қизиқтирган бир нечта долзарб саволларга жавоб бериб ўтди. 

Турнир жадвали ҳақида нима дейсиз? 

"Барселона" биздан олдинда. Бироқ, биз ҳали Эл Класикода учрашишимиз керак" 

Бразилия билан миш-мишлар ҳақида? 

"Мен Бразилияни қадрлайман, лекин охирги кунларда Федерация билан умуман алоқа йўқ эди. "Реал" билан шартномам бор ва менинг бор эътиборим чемпионликни қўлга киритишга қаратилган. Ҳозирда олдимизда муҳим мақсадлар бор" 

Ханс-Дитер Флик "Барселона" "Реал Мадрид" эмаслиги таъкидлади, бунга фикрингиз қандай? 

"Мен Ҳанси Фликнинг фикрига тўлиқ қўшиламан. "Реал Мадрид" "Барселона" эмас" - дея ўз фикрлари билан ўртоқлашди италиялик мутахассис. 

Маълумот ўрнида, "қироллик клуби" 30 март куни "Леганес" билан куч синашади. Ушбу беллашув Тошкент вақти билан 01:00 да старт олиши режалаштирилган.